"Inditex Group"un aparıcı pərakəndə şəbəkəsi Zara, Massimo Dutti, Pull and Bear, Oysho, Uterque, Stradivarius və Bershka kimi brendlərə də sahib olan ispan maqnatı Amancio Orteqaya məxsusdur. Baş ofis ilk mağazanın 1975-ci ildə açıldığı İspaniyanın A Coruña şəhərində yerləşir. İddia edilir ki, Zara dizaynın hazırlanmasından yeni xəttin işə salınmasına qədər cəmi 2 həftə çəkir, sənayedə isə orta hesabla 6 aydır. Bundan əlavə, il ərzində 10.000-dən çox yeni dizayn hazırlanır. Zara istehsal müəssisələrini aşağı istehsal xərcləri olan ölkələrdə yerləşdirmək üçün geyim sənayesində geniş yayılmış tendensiyaya müqavimət göstərə bildi. Ola bilsin ki, onlar ən qeyri-adi strategiyanı seçiblər. Şirkət reklamlara xərcləməkdənsə, qazancın bir hissəsini yeni satış məntəqələrinin açılmasına yatırmağa üstünlük verib.
Louis Vuitton moda direktoru Daniel Piette Zara-nı "Bəlkə də dünyanın ən yenilikçi və pozucu pərakəndə zənciri" kimi təsvir edib. Zara, həmçinin CNN tərəfindən "İspan uğur hekayəsi" kimi təsvir edilib.
"Zara"nın qurucusu Amansio Orteqa ilk Zara mağazasını 1975-ci ildə açıb. İlk mağaza La Coruña'nın əsas küçəsində yerləşirdi. Zara konseptinin uğuru sayəsində şirkət genişlənməyə başladı və sonradan yeni mağazalar açdı.
Onların ilk mağazasında məşhur moda evlərinin aşağı qiymətə oxşar modelləri təqdim olunurdu. Mağaza şirkətin uğurunu sübut etdi və Orteqa bütün İspaniyada yeni Zara mağazaları açmağa başladı. 1980-ci illərin əvvəllərində Orteqa məhsulun dizaynı və paylanması prosesi üçün yeni model hazırlamağa başladı. Geyim sənayesi adətən ilkin dizayndan məhsulun mövcudluğuna qədər təxminən 6 ay tələb edən istehsal cədvəlindən istifadə edirdi. Bu sxem istehsalçıları və distribyutorları ildə 2-3 kolleksiya ilə əhəmiyyətli dərəcədə məhdudlaşdırdı. İstehlakçıların zövqlərini və üstünlüklərini təxmin etməyə çalışmaq özünəməxsus çətinliklərə səbəb oldu, çünki həm istehsalçılar, həm də distribyutorlar daima satılmamış mallarla qalmaq riski daşıyırdılar.
Orteqa dəyişən istehlakçı zövqlərinə və yeni yaranan tendensiyalara tez reaksiya vermək qabiliyyətini verəcək "ani moda" adlandırdığı şeyi yaratmaqla bu "dizayn-paylama modelindən" çıxmaq üçün bir yol axtarırdı. Onun arzusu Jose Maria Castellano ilə görüşənə qədər yarımçıq qaldı. İnformasiya texnologiyaları üzrə mütəxəssis olan Casteiano ConAgra İspaniyanın maliyyə direktoru olmamışdan əvvəl Aegon Espana-nın informasiya texnologiyaları departamentində çalışıb. Casteianno 1984-cü ildə Ortega-ya qoşuldu və qlobal geyim sənayesində inqilab edəcək bir paylama sxemi hazırlamağa başladı.
90-cı illərdə Inditex davamlı olaraq daha çox yeni bazarları işğal etdi. 92-ci ildə şirkət Meksika, 93 Yunanıstan, 92 Belçika və İsveç, 95 Malta, 96 Kiprə daxil oldu. 90-cı illərin sonlarında Inditex 1997-ci ildə İsrail, Meksika, Türkiyə və Yaponiyaya beynəlxalq genişlənməyə doğru hərəkət etdi, sonra 1998-ci ildə Argentina, Böyük Britaniya və Venesuelaya köçdü. Mağazaların əksəriyyəti şirkətə məxsus olsa da, Yaxın Şərq kimi bəzi bazarlarda yerli distribyutorlarla françayzinq müqavilələri bağlanırdı. 2000-ci ilə qədər Inditex Almaniya, Hollandiya və Polşa da daxil olmaqla Şərqi Avropa kimi ondan çox ölkəni mövcud ölkələr siyahısına əlavə etdi.
Mənbə: Logomaster
Tərcümə etdi: Leyla Bayandurlu
