Böyük Britaniyalı komediyaçı və aktyor Rassell Brend zorlama və cinsi zorakılıq ittihamları üzrə məhkəmənin hökmü ilə təqsirli bilinib.
24media.az BBC-yə istinadən xəbər verir ki, 51 yaşlı Brend üç həftə davam edən məhkəmə prosesi nəticəsində bir zorlama və üç cinsi zorakılıq ittihamı üzrə təqsirli hesab edilib. O, iki zorlama və bir cinsi təcavüzə cəhd ittihamı üzrə isə bəraət alıb.
İttihamlar 1999–2009-cu illəri əhatə edir və altı qadının şikayətləri əsasında irəli sürülüb.
BBC-nin məhkəmə prosesini izləyən müxbiri Sima Koteçanın yazdığına görə, Brend məhkəmə zalında əsasən sakit və emosiyasız görünüb. O, ittihamları rədd edərək özünü müdafiə edib. Məhkəmə prosesi zamanı həyat yoldaşı da ona dəstək göstərib.
Qeyd edək ki, hökmün elanından sonra hakim Brendə qarşı uzunmüddətli həbs cəzasının gözlənildiyini bildirib.
Zəhra Məlikova
