Avropanın mədəniyyət paytaxtlarından biri hesab olunan Budapeşt şəhərində ''Budapest Spring Festival 2026'' keçirilir. Festival musiqi, opera, təsviri incəsənət və səhnə sənətini bir araya gətirən geniş proqramla təşkil olunur.
Məlumata görə, festival çərçivəsində klassik musiqi konsertləri, opera tamaşaları, müasir incəsənət sərgiləri və müxtəlif səhnə performansları təqdim olunur. Tədbirlər şəhərin əsas konsert zalları, teatrları və mədəniyyət məkanlarında baş tutur.
Festival Avropanın mədəni irsini nümayiş etdirməklə yanaşı, beynəlxalq sənətçilər üçün yaradıcılıq və əməkdaşlıq platforması rolunu oynayır. Tədbir Budapeştin mədəni həyatında mühüm yer tutur və şəhərin beynəlxalq turizm baxımından cəlbediciliyini artırır.
Mənbə: Travel And Tour World
Tərcümə etdi: Zəhra Məlikova
