Azərbaycanın mədəniyyət nazirinin müavini Fərid Cəfərov ilə BMT baş katibinin gənclərlə iş üzrə köməkçisi, BMT-nin Gənclərlə İş üzrə İdarəsinin rəhbəri Felipe Paulyer mədəniyyətlərarası dialoq və gənclərlə bağlı əməkdaşlıq məsələlərini müzakirə ediblər.
24media.az bildirir ki, məlumat BMT-nin Gənclərlə İş üzrə İdarəsinin “X” hesabında yayılıb.
Bildirilib ki, danışıqlarda mədəniyyət və gənclərin sülhün, dialoqun və qarşılıqlı anlaşmanın gücləndirilməsində rolu vurğulanıb.
Tərəflər BMT-nin Gənclərlə İş üzrə İdarəsi ilə Azərbaycan arasında tərəfdaşlıq imkanları, eləcə də gənclərin psixi sağlamlığı, yaradıcı sənayelər və mədəniyyət sahəsində əməkdaşlıq barədə fikir mübadiləsi aparıblar.
Aytac Musayeva
