ABŞ-nin Orono şəhərində yerləşən University of Maine tərəfindən təşkil olunan “Beynəlxalq Rəqs Festivalı” uğurla keçirilib. Tədbirdə müxtəlif ölkələri təmsil edən rəqs kollektivləri iştirak edərək öz milli və müasir rəqs nümunələrini təqdim ediblər.
Festivalın əsas məqsədi müxtəlif xalqların mədəni irsini tanıtmaq, beynəlxalq mədəni əlaqələri gücləndirmək və incəsənət vasitəsilə mədəni dialoqu təşviq etmək olub. Proqram çərçivəsində səhnə çıxışları ilə yanaşı, mədəni təqdimatlar və ustad dərsləri də təşkil edilib.
Təşkilatçılar bildiriblər ki, “Beynəlxalq Rəqs Festivalı” regionda mədəni həyatın inkişafına və beynəlxalq mədəni əməkdaşlığın genişlənməsinə mühüm töhfə verir.
Mənbə: Travel and Tour World
Tərcümə etdi: Zəhra Məlikova
