Araşdırmalara görə, Samsung Galaxy S25 Ultra ümumi göstəricilər üzrə Google Pixel 10 Pro-dan cüzi də olsa daha yaxşı nəticə göstərir və Android bazarında lider mövqeyini qoruyur.
Android bazarında Samsung və Google ən güclü smartfon istehsalçıları hesab olunur. Məlumatlara əsasən, Galaxy S25 Ultra performans, ekran keyfiyyəti, davamlılıq və batareya ömrü baxımından Pixel 10 Pro-nu geridə qoyur. Samsung-un xüsusi Snapdragon 8 Elite prosessoru Pixel-də istifadə olunan Tensor G5 çipindən daha güclü qiymətləndirilir.
Kamera sahəsində isə hər iki telefon yüksək nəticələr göstərir. Samsung daha çox obyektiv təklif etsə də, Pixel-in selfi kamerası daha kəskin və keyfiyyətli görüntülərlə seçilir. Mütəxəssislər qeyd edir ki, seçim əsasən istifadəçinin üstünlüklərindən asılıdır: Samsung ekosistemi və SmartThings inteqrasiyası, yoxsa Google Pixel-in daha “təmiz” və sürətli Android təcrübəsi.
Mənbə: BGR
Tərcümə etdi: Nərmin Məmmədzadə
