Böyüklərdə diqqət çatışmazlığı və hiperaktivlik pozğunluğu (ADHD) bir zehni sağlamlıq problemidir və diqqəti toplamaq çətinliyi, həddindən artıq aktivlik və impulsiv davranışları əhatə edir.
ADHD adətən uşaqlıqda başlayır və sonrakı yaşlarda davam edir, lakin bəzən simptomlar yalnız yetkin yaşda aşkar olur. Böyüklərdə ADHD simptomları uşaqlardakından fərqli olaraq daha az açıq ola bilər. Aktivlik səviyyəsi azalsa da, impulsivlik, həyəcan və diqqət toplama çətinlikləri qalır.
Böyüklərdə ADHD-nin müalicəsi uşaqlardakına bənzəyir. Bu, dərmanlar, psixoloji məsləhət və terapiya, həmçinin ADHD ilə birlikdə ortaya çıxan digər zehni sağlamlıq problemlərinin müalicəsini əhatə edir.
Simptomlar:
Böyüklərdə ADHD-nin əsas xüsusiyyətləri diqqət çatışmazlığı, impulsivlik və həyəcan kimi özünü göstərir. Çox vaxt insanlar buna sahib olduqlarını anlamırlar, sadəcə gündəlik işlərin çətinləşdiyini hiss edirlər. Diqqəti toplamaq və prioritetləri düzgün müəyyənləşdirmək çətinliyi görüşləri unutmaq, son tarixləri qaçırmaq və sosial planları unutmaq kimi hallara səbəb ola bilər.
İmpulsları idarə edə bilməmək, sırada gözləməkdə və ya tıxacda sürücülük edərkən səbrsizlikdən, əhval dəyişikliyinə və qəzəb partlayışlarına qədər dəyişə bilər.
Böyüklərdə ADHD simptomları:
1. İmpulsivlik
2. Qeyri-ardıcıllıq və prioritetləri düzgün müəyyən edə bilməmək
3. Zamanı düzgün idarə edə bilməmək
4. Tapşırıqlara diqqət yetirməkdə çətinlik
5. Eyni anda bir neçə işi görməkdə çətinlik
6. Həddindən artıq aktivlik və ya həyəcan
7. Düzgün planlamanın olmaması
8. Aşağı dözümlülük
9. Tez-tez əhval dəyişikliyi
10. Tapşırıqları tamamlayıb bitirməkdə çətinlik
11. Qəzəb və əsəbilik
12. Stresslə başa çıxmaqda çətinlik
Mənbə: Mayo Clinic
Tərcümə etdi: Emiliya Vəlicanova
