Cleopatra eramızdan əvvəl 69-cu ildə Misirin paytaxtı İsgəndəriyyədə doğulub. O, tarixdə Misir taxtına çıxmış ən məşhur qadın hökmdarlardan biri olsa da, əslində Makedon mənşəlidir. Cleopatra’nın ailəsi Böyük İsgəndərin dövründə Misirə gələn Ptolemey sülaləsindən idi. Bu sülalə, İsgəndərin generallarından biri olan Ptolemey I tərəfindən qurulmuşdur.
Cleopatra, Ptolemey sülaləsinin son nümayəndəsi olaraq, eramızdan əvvəl 51-ci ildə taxta çıxıb. Onun hakimiyyəti dövründə Misir güclü bir dövlət olaraq qalsa da, Roma İmperiyasının təzyiqləri ilə üzləşib. Cleopatra təkcə siyasi zəkası ilə deyil, həm də dövrünün ən nüfuzlu liderləri ilə olan münasibətləri ilə tanınırdı. O, Roma İmperiyasının liderlərindən Yuli Sezar və Mark Antoniy ilə olan ittifaqları ilə tarixdə iz qoyub.
Cleopatra’nın Makedon mənşəli olması, onun mədəniyyətini və siyasətini formalaşdırmışdı. O, Yunan mədəniyyətinə dərindən bağlı olsa da, Misir xalqının sevgisini qazanmaq üçün yerli adət-ənənələri də mənimsəmişdi. Cleopatra Misir tanrıçası İsis kimi geyinərək xalq arasında özünü tanrı kimi təqdim edirdi.
Cleopatra’nın həyatı tragik sonluqla bitdi. O, eramızdan əvvəl 30-cu ildə, Mark Antoni ilə birlikdə Romaya qarşı mübarizədə məğlub olduqdan sonra intihar etdi. Bu hadisədən sonra Misir Roma İmperiyasının bir vilayətinə çevrildi.
Mənbə: Today.com
Tərcümə etdi: Aysel Şıxməmmədova
