Ultra qaçışdan tutmuş atıcılığa qədər bəzi yarışlarda qadınların üstünlüyü var. 40 ildən çox vaxt keçib, lakin Penny Lee Dean soyuğu yaxşı xatırlayır.
1978-ci ildə Dean, cinsindən asılı olmayaraq La-Manş boğazı boyunca rekord səviyyəli üzməyə hazırlaşarkən məşq çətin olub. Açıq suda üzgüçülük məşqindən çıxdıqdan sonra onun yenidən isti hiss etməyə başlaması saatlar çəkib. 20 dəqiqəlik isti duş belə kifayət etməyib.
Soyuq sümüklərini dondursa da, onu fəth etmək onun rekord qıran üzgüçü kimi uğurunda mühüm rol oynayıb və həyatının qələbəsi olub. Həddindən artıq soyuğa dözmək qabiliyyəti qadınların bu idman növündə qazana biləcəyi üstünlüklərdən biridir, çünki onların yağ paylanması soyuq suda bədən istiliyini tənzimləmək üçün faydalıdır. Dean, qadınların narahatlığa daha dözümlü olduğuna inanır.
Əslində, qadınlar atıcılıqdan ultra qaçışa qədər bir sıra yarışmalarda kişilərdən üstün ola və ya oxşar şəkildə çıxış edə bilərlər. Ancaq daha çox inklüzivliyə aparan yol xətti olmayıb və atletik performansda cinsin rolu ilə bağlı cavablardan daha çox sual qalır.
Bununla belə, uzaq məsafəli yarışlarda başlanğıc sürəti və tempi ilə daha ölçülü olmaq üstünlük ola bilər. Sandbakk deyir: "Qadınlar, məsələn, marafon qaçışlarında, ümumiyyətlə, daha yaxşı tempi saxlayırlar”. Rəqabət təkcə fiziologiya deyil, həm də sosial şərtlənmə və psixologiya məsələsidir. Əksər tədqiqatlar uşaqların atletik qabiliyyətlərinə diqqət yetirsə də, qızları əhatə edən sosial mühitin oğlanlarla müqayisədə onların rəqabət qabiliyyətinə təsir edə biləcəyinə dair bəzi deyimlər var.
Mənbə: BBC
Tərcümə etdi: Fatimə Cabbarlı
