Lewis Hamilton deyir ki, motor idmanının başlanğıc xərclərinin artmağa davam etməsindən narahatdır.
Lewis Hamilton, karyerasının əvvəlində motor idmanının ağır xərclərini birinci əldən yaşamış birisidir.
7 qat dünya çempionu kartinq xərcləri ilə yanaşı, yarışlarda iştirak haqlarının da kifayət qədər yüksək olduğunu bildirərək, bu vəziyyətin gənc istedadlar üçün böyük maneə yaratdığını vurğulayıb.
Hamilton dedi: "Ödənişlər çox bahadır. Hazırda onun nə qədər olduğunu dəqiq bilmirəm, amma eşitdiyimə görə, bu, başladığım vaxtdan iki-dörd dəfə yüksəkdir. McLaren ilə müqavilə imzalamasaydım, indi burada olmazdım. Xərclərin artmaqda davam etməsi həqiqətən narahatedicidir".
Bundan əlavə, Hamilton Formula 1-ə çatan pilotların sayının çox az olduğuna işarə edərək, kartinq yarışlarında iştirak edən uşaqların təhsillərini davam etdirmələrini tövsiyə edib: "Onlar işləməyə və məşqlərə davam etməlidirlər. Pilotların 99%-dən çoxu Formula 1-ə çata bilmir".
Mənbə: Motorsport
Tərcümə etdi: Məhəmməd Qasımov
