Rusiya prezidenti Vladimir Putin və Azərbaycan prezidenti İlham Əliyev Xəzər dənizində baş verə biləcək ekoloji fəlakətin qarşısının alınması yollarını birgə təhlilivə barədə razılığa gəliblər.
"Biz həm ikitərəfli, həm də beştərəfli formatda vəziyyəti birgə təhlil etmək barədə razılığa gəldik", -İlham Əliyev deyib.
İki liderin Bakıda danışıqları zamanı Əliyev Xəzər dənizinin dayazlaşmasının fəlakətli olduğunu vurğulayıb.
"Danışıqlar apardığımız otağın pəncərəsindən mən Vladimir Vladimiroviçə (Putinə - TASS) iki il əvvəl su altında olan qayaları göstərdim və bu gün onlar artıq bir metr səthə çıxıblar. Biz bunu müşahidə edirik. bütün sahil boyu”, - Əliyev Putinlə danışıqlardan sonra bildirib.
“Biz mümkün ekoloji fəlakətin, yəni artıq adi gözlə görə biləcəyimiz bu ekoloji fəlakətin təzahürünün qarşısını almaq üçün vəziyyəti birgə təhlil etmək və yolları həm ikitərəfli, həm də beştərəfli formatda müəyyən etmək barədə razılığa gəldik”. vurğuladı.
Xəzər dənizi Yer kürəsinin ən böyük qapalı su hövzəsidir. Şimaldan cənuba uzunluğu təxminən 1200 km, qərbdən şərqə eni 195 ilə 435 km arasındadır. Xəzər dənizinə 130-dan çox çay axır, onlardan ən böyüyü Volqa, Ural, Terek, Sulak, Samurdur. Xəzərin sahilində beş dövlət - Rusiya, Qazaxıstan, Türkmənistan, Azərbaycan və İran yerləşir.
Əliyev həmçinin BMT-nin İqlim Dəyişikliyi üzrə COP-29 konfransının keçiriləcəyi məkan kimi Azərbaycanın namizədliyini dəstəklədiyinə görə Putinə təşəkkür edib.
"Rusiyanın dəstəyi son dərəcə vacib idi. Biz hazırda bu iqlim konfransının hazırlanması ilə bağlı məsələlər üzərində, o cümlədən ikitərəfli formatda işləyirik", - o qeyd edib. Bakı konfransı postsovet məkanında ilk konfrans olacaq. Daha əvvəl Əliyev bildirib ki, ilkin hesablamalara görə, ÇNL-29 zamanı Azərbaycanın paytaxtına 70-80 min xarici qonaq gələcək.
Mənbə: Tass.com
Tərcümə etdi: Bənövşə Bağırova
