Audi 2024-cü ildən sonra ideal sürücülər cərgəsini tapmağa çalışsa da, Niko Hülkenberqin komanda yoldaşının kim olacağı bəlli deyil.
Çoxları İsveçrə komandasının Valtteri Bottasın müqaviləsini uzada biləcəyi ilə razılaşır, çünki Sauber bu mövsüm hələ də sıfır nöqtəsində olsa da, onun bu il çox yaxşı çıxış etdiyi göz qabağındadır, amma indi Mattia Binotto Audi layihəsinin başındadır və onun hansı yolla gedəcəyi hələ bəlli deyil. Təcrübəli Hülkenberqə sahib olduqları üçün ikinci məsələdə risk edib daha gənc bir adı dəvət edə bilərlər.
Mik Şumaxerin variantlardan biri olduğu çoxdan məlumdur. Onlar alman pilota bir il şans vermək və onun istedadını daha aydın görmək istəyə bilər, amma mənbələr bunun ehtimalını az görürlər. Bildirilir ki, namizədlər siyahısında Binottonun Ferrari-dən yaxşı tanıdığı Robert Şvartsman, həmçinin Formula 2-də yarışan Qabriel Bortolote var, lakin Auto Motor und Sport gözlənilməz olmasa da, nisbətən yeni bir ad təqdim etdi: Alex Palou.
Audi ikiqat IndyCar çempionu olan və bu mövsüm Amerika seriyasına rəhbərlik edən ispaniyalı sürücü ilə ciddi maraqlanır.
Əvvəllər F1 avtomobilini idarə etmək təcrübəsi olan Chip Ganassi Racing sürücüsü McLaren ilə F1-ə daxil olmaq istəsə də, buna nail ola bilməyib. Palou ilə bağlı problem ona McLaren ilə müqaviləni pozduğu üçün açılan məhkəmə iddiası ola bilər. Komanda müqavilə öhdəliklərini pozduğuna görə ondan 30 milyon dollar tələb edib. Hələlik Audi-dən bu məsələ ilə bağlı heç bir şərh yoxdur.
Mənbə: Motorsport.com
Tərcümə etdi: Məhəmməd Qasımov
