Toyota-nın yeni qaydalara uyğun olaraq hazırlanmış hidrogenlə işləyən Le Mans avtomobili 2028-ci ildə hər WEC yarışında iştirak etməyəcək.
Toyota həmçinin 2028-ci il Dünya Dözümlülük Çempionatında hazırkı GR010 HYBRID ilə hidrogen-yanma Hypercar sinfində yarışmağı planlaşdırır. Yapon istehsalçısı, mövcud Le Mans Hypercar və LMDh siniflərinin iki il müddətinə uzadılmasını təmin edən iyun ayında elan edilmiş hərəkətdən faydalansa da, o, həmçinin 2028-ci ildə qüvvəyə minməsi gözlənilən hidrogen qaydalarına uyğun olaraq qurulan prototipdə mərhələli şəkildə fəaliyyət göstərəcək.
Toyota 2023 GR HY Konseptində nümayiş etdirilən ideyalardan hazırlanmış avtomobilin WEC 24 "Hours of Le Mans" yarışında və ilk mövsümündə ən çox iki dəfə yarışacağını gözləyir.
"Toyota Gazoo Racing" Europe-un Hypercar inkişafı layihəsinin rəhbəri Con Litjens dedi: “Planımız hidrogen avtomobili ilə başlamaq və onu tam mövsümdə deyil, ilk olaraq bir neçə yarışda istifadə etməkdir. Hər şey qaydaların bizə nə etməyə icazə verməsindən asılıdır".
ACO-nun rəhbəri Pierre Fiyon 2028-ci ildə Hypercar sinfində hidrogen texnologiyasından imtina etmək planlarını təsdiqlədi, alternativ yanacaqla işləyən ilk avtomobillər iyun ayında Le Mansda peyda olacaq. "Planımız ilk ildə Spa və Le Mansda yarışmaqdır" Fiyon dedi.
Le Mansdan sonra avtomobillərin 2028-ci ildə yenidən yarışa bilərmi sualına Fiyon dedi ki, Fujidə Yaponiya raundunda çıxış etmək ehtimalı var ki, bu da Toyota-nın ambisiyalarına açıq şəkildə işarədir.
Litjens vurğuladı ki, Toyota-nın hidrogen layihəsinin vaxt qrafiki ilə bağlı qəti tənzimləmə olmadığı üçün qeyri-müəyyənlik qalmaqdadır, lakin o, təkid etdi ki, hidrogenlə işləyən Toyota prototipi vaxtında qaydalara uyğun alınarsa, 2028-ci ildə rəqabətə girə bilər.
FİA-nın texniki direktoru Xavier Mestelan Pinon fevral ayında avtoidman tətbiqləri üçün bu saxlama formasını prioritetləşdirəcəyini və təşviq edəcəyini elan etdikdən sonra idarəedici orqan üçün ilk addımın "maye hidrogen üçün ümumi qaydaların müəyyən edilməsi" olduğunu dedi. Bundan sonra biz istehsalçılar üçün qaydalar yaratmaq üçün FIA, ACO və IMSA ilə birlikdə xüsusi texniki işçi qrupu yaradacağıq" dedi.
Mənbə: Motorsport.com
Tərcümə etdi: Məhəmməd Qasımov
