Yeni bir tələbə olaraq, bir çox məlumatları olduqca tez öyrənməli olacaqsınız və ya verilən tapşırıqları vxt itirmədən yerinə yetirməlisiniz. Biz də sizlər üçün bu tip işlərinizi rahatlaşdıracaq bir neçə sayt təqdim edirik.
Aşağıda tələbə həyatını ilk gündən bir qədər asanlaşdırmağa kömək edəcək faydalı tələbə veb-saytlarının və onlayn resursların siyahısı verilmişdir.
LifeHacker.co.uk
LifeHacker istifadəçilərinə müasir dünyada həyatda kömək etmək məqsədi daşıyır. Populyar etiketlərə 'Məhsuldarlıq', 'Pul' və 'DIY' daxildir.
MentalFloss.com
MentalFloss qida, mədəniyyət və elm kimi mövzuları əhatə edən dünyanın hər yerindən maraqlı faktları öyrənmək üçün yaxşıdır.
UnplugTheTV.com
Bu tələbə resursu maraqlı elmi mövzularda təsadüfi videolar təqdim etməklə, TV-yə alternativ hesab edilir.
Sleepyti.me
Bu sayt sizə müəyyən bir saatda oyanmaq məcburiyyətindəsinizsə, yatmaq üçün ən yaxşı vaxtları izah edir ki, bu da tələbə həyatı üçün çox faydalı bir vasitədir. Sleepyti.me səhərlər yorğunluqdan əziyyət çəkənlərə böyük ölçüdə kömək edə bilər.
KeepMeOut.com
Təhsil alacağınız zaman sosial mediadan uzaq durmaqda çətinlik çəkirsinizsə, diqqəti yayındıran bəzi saytları bloklamaq üçün KeepMeOut-dan istifadə edin.
EdX.org
Edx dünyanın aparıcı MOOC platformalarından biridir. MOOCs (kütləvi açıq onlayn kurslar) öyrənmək istəyən hər kəsə pulsuz təklif olunur. Digər əsas MOOC provayderlərinə Udacity.com, AcademicEarth.org və.s daxildir.
Coursera.org
Coursera sizə təhsilinizi bəzi əlavə biliklərlə tamamlamağa imkan verən geniş akademik öyrənmə tərzini əhatə edir.
Recipepuppy.com
RecipePuppy evdə olan inqrediyentlər əsasında reseptlər axtarmağa imkan verir. Tənbəl tələbələr, sevinin.
Instructables.com
Nəsə bir şey bişirməyi, hazırlamağı, təmir etməyi və.s sevirsinizsə, bu ən faydalı onlayn tələbə resurslarından biridir. Siz spagetti dondurmasının hazırlanmasından tutmuş sınıq rəfin necə düzəldilməsinə qədər hər şeyi öyrənə bilərsiniz.
Son Sağlamlıq Qida Bələdçisi
Bu bələdçi tələbə həyatı boyu özünüzü yorğun, stresli və ya xəstə hiss etdiyiniz zamanlar üçün xilaskar olacaq. Xəstəliyiniz nə olursa olsun, canlılığınızı artırmaq üçün hansı qidaların mütləq qəbul edilməsi bu saytda mövcuddur.
WebMD.com
WebMD simptom yoxlayıcısından istifadə edərək cari sağlamlıq vəziyyətinizi yoxlamağa imkan verir. Bu resurs hipokondriyaklar üçün əla olsa da, o əsl həkimin biliyini əvəz etmir. Əgər, həqiqətən dən, narahatsınızsa, ya həkiminizə, ya da universitetinizin sağlamlıq mərkəzinə baş çəkin.
Mənbə: Topuniversities
Tərcümə etdi: Fərahim Rzazadə