Dərin bir keçid sizi məzmuna aparan bir keçid deməkdir. Bir çox veb bağlantılar, əslində, dərin bağlantılardır.
Sadə bir misalla izah etsək, “https://www.ayhankaraman.com/” standart keçiddir, lakin dərin keçid deyil. Digər tərəfdən, “https://www.ayhankaraman.com/link-olusturma-neler-yapmamali/” dərin bir keçiddir. Çünki o, sizi birbaşa məzmuna aparır. Bu dərin əlaqə başlanğıcda qeyd olunan sadə linkin bir hissəsidir.
Mobil tətbiqlər baxımından vəziyyət necədir?
Sadə dillə desək, mobil dərin keçidlər istifadəçilərə proqram daxilində məzmun paylaşmağa imkan verir. Tətbiqdə bəyəndiyiniz məzmunu dostunuzla bölüşmək istəyirsinizsə, bunu dərin keçiddən istifadə edərək etməlisiniz. Dərin keçid olmadan məzmuna daxil olmaq istəyən dostunuz, əvvəlcə, tətbiqi tapmalı, sonra tətbiqin ana səhifəsinə çatmalı və daha sonra haqqında danışdığınız məzmunu tapmalıdır.
Bəs bu niyə problemdir?
İnternetdəki əksər məlumatlardan fərqli olaraq, tətbiqlərin məzmunu ictimaiyyətə açıq deyil. Adi keçidlər proqramlar üçün işləmir, çünki proqramları cihaza endirmək lazımdır. Endirilmiş olsa belə, elementi tapmaq və paylaşmaq üçün standart üsul yoxdur. Hər bir məzmun xüsusi proqramdır.
Bu giriş probleminə görə, proqram daxilində bir elementi paylaşa bilmək ciddi problemdir. İstifadəçi təcrübəsi əhəmiyyətli dərəcədə azalıb, şirkətin göstəricilərinə zərər verir və kiçik müddətli tərtibatçıların müştərilərlə əlaqəsinə mənfi təsir göstərir. Nəticə odur ki, rəqabət aşağıdır və böyük şirkətlər davamlı olaraq bazar liderliyini qoruyurlar. Təcrübələr çox pis olsa belə, onlar lider olaraq qalmağa davam edirlər.
Dərin bağlantılar bu mövzuda sizə necə kömək edir?
Dərin əlaqə sayəsində məzmuna keçidlər mobil proqram daxilində yaradıla və İnternetdə paylaşıldığı kimi paylaşıla bilər. Tərtibatçılar daha yaxşı istifadəçi təcrübəsi təmin edə bilər və istifadəçilər maraqlı məzmunu asanlıqla kəşf edə bilərlər.
Dərin bağlantılar necə işləyir?
Dərin bağlantılar üçün standart vəziyyət yoxdur, lakin dərin keçidlər xüsusiyyətlərinə görə üç fərqli başlıq altında müzakirə edilə bilər.
Ənənəvi dərin bağlantılar
Ənənəvi dərin keçidlər tətbiqinizin URL ünvanı əsasında yaradılır. https://www.ayhankaraman.com/kategori/ kimi bir keçid almaq əvəzinə, myapp://kategori/ kimi bir keçid əldə edəcəksiniz. Bir çox proqramlatda URL sxemləri var. Tətbiqinizdə sxem yoxdursa, onu asanlıqla yarada bilərsiniz.
Ənənəvi dərin keçidləri problemli edən odur ki, tətbiqiniz yoxdursa, bağlantılar işləmir. URL sxemi ilə verilən ünvanı istifadə etdiyiniz zaman telefonunuz və ya digər mobil cihazınız məzmuna daxil olmaq üçün proqrama zəng edəcək. Tətbiq quraşdırılmayıbsa, mobil cihazınız məzmunu tapa bilməyəcək və sizə xəta verəcək.
Mənbə: ayhankaraman.com
Tərcümə etdi: Rəhimə Cəmilova
