Helikopter şaquli olaraq qalxıb enə bilən, havada sabit hərəkət edən və istədiyi kimi manevr edə bilən bir nəqliyyat vasitəsidir. Helikopterlərin uçuş prinsipi təyyarələrinkinə çox oxşardır.
İlk motorlu helikopteri 1907-ci ildə fransız mühəndis Pol Kornu idarə etmişdir. Helikopterlər bu gün hər sahədə fəal şəkildə istifadə olunur. Helikopter əsas rotor, gövdə və arxa pərvanədən ibarətdir. Bir təyyarənin qalxması üçün onun lifti olmalıdır. Qaldırma qüvvəsi helikopterdə şaquli ox ətrafında fırlanan pərvanə tərəfindən təmin edilir. Helikopter əsas rotorun fırlanma sürətinə, həmçinin üfüqi ilə yaratdığı bucağa uyğun olaraq istiqamət alır və havaya qalxır. Arxa pərvanə helikopterin havaya qalxarkən və ya havada asılarkən balanslı qalmasını təmin edir.
Bu gün helikopterlər bir çox məqsədlər üçün istifadə olunur. Helikopterlər əksər nəqliyyat vasitələrinin edə bilmədiyi işləri görə bilir. Bu gün təyyarələr arasında sürətli və üstünlük təşkil etməsələr də, təyyarələrdən daha funksionaldırlar. Tibb sahəsində xəstələrin daşınması, təbiət hadisələri, axtarış-xilasetmə, yanğınlarda su daşınması kimi yerlərdə kömək edir. Hərbi sahədə qoşun və sursat daşınması, polis və yük daşınması kimi bir çox başqa sahələrdə də istifadə olunur. Helikopterlər dünyanın hər yerində və hər sahəsində aktiv fəaliyyət göstərir.
Helikopterlər 5 fərqli sinifə bölünür: yüngül helikopterlər, orta helikopterlər, böyük helikopterlər, meylli rotorlar və hərbi helikopterlər.
Sərnişin daşımalarında daha çox yüngül və orta ölçülü helikopterlərdən istifadə olunur. Böyük helikopterlər həm sərnişin daşıma, həm axtarış-xilasetmə, həm də yük daşımalarında rol oynayan mühüm vasitələrdən biridir. Maili rotorlu helikopter hər sahədə istifadə olunur. Nəhayət, hərbi vertolyotlar bu gün dövlətlərin ən çox investisiya yatırdığı, eyni zamanda inkişaf etdirdiyi helikopter növüdür və ölkələri hərbi sahədə gücləndirir. Həm daşımada, həm də hədəfin tapılmasında hərbi hissələrə böyük rahatlıq yaradır. Bu gün helikopterlər bəşəriyyətə hər sahədə dəstək verir.
Mənbə: hava uzay
Tərcümə etdi: Aynur Mikayılova
