Sosial media bloggerləri sosial media platformalarından öz şəxsi brendlərini yaratmaq və ya izləyicilərini hərəkətə keçməyə təsir etmək üçün istifadə edən şəxslərdir (o cümlədən məhsul almaq, brendi dəstəkləmək və ya müəyyən məkanda istirahət etmək).
Onlar izləyiciləri ilə paltar və gözəllik məhsullarından tutmuş evdə hazırlanan şlamlara qədər hər şeyi paylaşa bilərlər. Bu, qeyri-ciddi əyləncə kimi görünsə də, bəzi “influencer”lər pərəstişkarları ilə əlaqələrindən əhəmiyyətli miqdarda pul qazanaraq onları müasir bir sahibkara çevirir.
Hər sosial media “influencer”i sahibkar olmasa da, onlayn olaraq yaratdıqları brenddən öz bizneslərinə başlayanların iqtisadiyyatı idarə etmək məsələsində ənənəvi sahibkarlarla çoxlu ortaq cəhətləri var.
Blogger sahibkardırmı?
Sahibkarlar biznesi təşkil edən, idarə edən və riskləri üzərinə götürən insanlardır. Onlar tez-tez bir mal və ya xidmət üçün qəbul edilən ehtiyaca cavab olaraq yeni bir işə başlayırlar. Digər tərəfdən, influencer, sosial media vasitəsilə insanlara və davranışlarına təsir etmək və ya dəyişdirmək gücünə malik olan bir şəxsdir.
Bəs onlar bir ehtiyacı ödəyirlərmi?
Bir çoxları “bəli” deyir: şirkətlər influencer’i işə götürməklə yüksək dərəcədə xüsusi insan qruplarını hədəfə ala bilərlər. Və təsir edənlər öz izləyiciləri ilə daha şəxsi münasibət qurduqlarına görə, izləyicilərin bloggerlərin təklif etdiyi məhsulu almalarının ehtimalı daha yüksəkdir.
Mənbə: Nationalgeographic
Tərcümə etdi: Ləman Əliyeva
