Yeni il həyatımızın bir çox sahəsinə təsir edən interyer dizaynlarında dəyişikliklər etmək üçün mükəmməl fürsətdir. Məkanların ruhunu canlandırmaq istəyənlər üçün 2024 dekorasiya trendləri; Davamlılıq, göz oxşayan rəng seçimləri, diqqət çəkən naxışlar və minimalist dizaynlar kimi geniş alternativlər təklif edir.
Estetik, Funksionallıq və Davamlılıq: 2024-cü il Trendlərinin Açarları
2024-cü il ev və ofis dizaynlarında estetika, funksionallıq və davamlılığın ön planda olduğu bir il olacaq. Bu, ənənəvi və müasirliyin qovuşduğu, təbiətin texnologiya ilə harmoniya təşkil etdiyi və davamlılıq prinsiplərinin mərkəzdə olduğu bir dövrə təsadüf edir. Canlı və dinc məkanlar təbii materiallar və dinamik rənglərlə yaradılarkən sadə və nizamlı yaşayış sahələri minimalizmlə artıq əşyalardan qurtulmağa yönəlib.
Bu dizayn yanaşması ilə məkanlara istilik, sevinc və estetik toxunuş əlavə olunacaq.
Canlı və enerjili rənglər üstünlük təşkil edəcək
2024 neytral və torpaq tonlarının üstünlük təşkil etdiyi dövrün sona çatacağı il kimi görünür. Bu ilki rəng palitrası 70-ci illərdən 90-cı illərə qədər olan şən rəng çalarlarından ilhamlanıb. Üçlü şəxsiyyətlə bu rəng birləşməsi maksimalizmə cəsarətli və enerjili qayıdışa işarə edir. Cosentino-nun Günəşli Günlər seriyasındakı mavi, qırmızı, ağ və yaşıl rəng seçimləri mətbəx və vanna otağına təzə enerji əlavə etmək üçün idealdır.
Mebellərdə rahatlıq bu il də ön plandadır
2024-cü ildə mebel seçimlərində rahatlıq ön planda olacaq. Qoruyucu və isti hisslər təqdim edən yuvarlaq mebel minimalist və funksional dizaynla birləşərək sadə və şık görünüşlə maksimum rahatlıq təmin edir. Şəhər həyatının intensiv tempində evdə sərf olunan vaxt daha qiymətli olduqca bu növ mebellərin populyarlığı artır. Bundan əlavə, təbii materialların və davamlılıq prinsiplərinin mebel dizaynına inteqrasiyası dəyirmi formalı mebelləri daha cəlbedici edir.
Mənbə: ekoyapidergisi
Tərcümə etdi: Bənövşə Bağırova
