Dönmə çarxı bir əsrdən artıqdır ki, aktuallığını itirməyən bir çox əyləncə parklarının mühüm elementidir. İlk belə attraksion 1893-cü ildə Çikaqoda keçirilən Ümumdünya Sərgisində istifadəyə verilmişdir. Hündürlüyü 80 metr olan konstruksiya 36 sərnişin salonu ilə təchiz edilmiş və iki buxar mühərriki ilə təchiz edilmişdir. Mühəndis Corc Vaşinqton Geyl Ferris Jr-ın uğurlu ideyası dünyanın hər yerindən memarlar tərəfindən qəbul edilmişdir. Beləliklə, dönmə çarxı qısa müddətdə böyüklərin və uşaqların sevimli əyləncələrindən birinə çevrildi.
İngilis dilli ölkələrdə onu hələ də “Ferris təkəri” adlandırırlar. Baxış təkərlərinin müasir dizaynları daim təkmilləşdirilir və mürəkkəbləşir. Bu gün bunlar isti şüşə kabinləri, simsiz interneti, təhlükəsizlik sistemləri və gecə işıqlandırması olan nəhəng attraksionlardır ki, bu da sərnişinlərə çox kilometrlik möhtəşəm panorama təqdim edir. Planetin ən hündür müşahidə təkərinin Çində yerləşir.
600 metr uzunluğundakı polad konstruksiya Çinin iki əyalətini birləşdirən Yonqle körpüsünün birbaşa üstündə yerləşir. O, körpünün bazasına bərkidilmiş əyri metal şüalarla dəstəklənir. “Haihe” çayı üzərindəki dönmə çarxı 2007-ci ildə bir neçə ay ərzində tikilib. 35 mərtəbəli binanın hündürlüyündə onun kabinləri ətrafdakı Hongqiao rayonu və Hebei əyalətinin panoramik mənzərələrini görmək mümkündür. Aydın havada baxış radiusu 40 km-ə çatır. Tianjin Eye yarım saat ərzində bir tam dönüşü tamamlayır. Bir saat ərzində burada 768-ə qədər sərnişin minə bilər.
120 metrlik Tianjin Eye xüsusilə axşam saatlarında, perimetri boyunca rəngarəng neon işıqların yandığı zaman təsirli və çox gözəl görünür. Attraksion 48 qapalı şəffaf kapsulla təchiz olunub, kondisioner, yanğınsöndürən, rabitə vasitələri və yanğın siqnalizasiyası var. Təkər sıradan çıxarsa və dayanarsa, kabinələrə enerji təchizatı daha iki saat davam edəcək. Küləyin sürəti 15 m/s-dən çox olduqda sistem dərhal ziyarətçilərə təhlükə barədə xəbərdarlıq edir və attraksion bağlanır.
Mənbə:realty.rbc.ru
Tərcümə etdi: Səmayə Qədirova
