Rus simvolist rəssamı Mixail Nesterov 1862-ci ildə Ufada anadan olub. Ufada orta məktəbdə oxuyarkən rəssamlıqla maraqlandı. 1874-cü ildə Moskvaya getdi və 1877-ci ildən Moskva Gözəl Sənətlər ali məktəbində rəssamlıq təhsili aldı.
Burada Vasili Qriqoryeviç Perou və Aleksey Kondratyeviç Savrasovun tələbəsi oldu. 1881-1888 - ci illərdə Sankt-Peterburq Rəssamlıq Akademiyasında oxuyub.
Sonra Moskvada Vladimir Makovskinin yanında oxudu. Bir tərəfdən, rəssamlığı öyrənərkən Aleksey Stupinin nəşr etdiyi jurnallar və kitablar üçün illüstrasiyalarla dolanışığını təmin etdi. Valideynlərinin istəməməsinə baxmayaraq 1885-ci ildə evləndi. Növbəti il həyat yoldaşı doğuşdan sonra öldü. Bu dövrdəki əsərlərinin bir çoxuna arvadının təsviri daxildir.
1889-cu ildən Previzvestnikovlar hərəkatında iştirak etmişdir. Əvvəlcə mənzərələr çəkdi, lakin daha sonra dini mövzulu rəsmlərə müraciət etdi və Müqəddəs Sergius (Leninqrad), Milad, Dirçəliş (Moskva) kimi mühüm əsərlər yaratdı. Ancaq sovet inqilabından sonra portretlərə diqqət yetirdi.
1905-ci ildə inqilabın başlamasından sonra çarı dəstəkləyən həddindən artıq sağçı millətçi partiya olan rus xalqının birliyinə qatıldı. 1918-ci ildə xəstələndiyi Armavirə köçdü. 1920-ci ildə Moskvaya qayıtdı və “möhtərəm Sergius” seriyası üzərində xüsusi işləməyə davam etsə də, dini rəsmdən imtina etmək məcburiyyətində qaldı. O vaxtdan ölümünə qədər əsasən portretlər çəkdi.
Mənbə: istanbulsanatevi
Tərcümə etdi: Aysu Əsədova
