İngiltərənin “Arsenal” klubunun bir neçə əsas futbolçusu zədə səbəbindən milli komandalara qoşula bilməyib. 
“Arsenal”ın futbolçusu Qabriel Maqalyayeş oyun zamanı
"BBC Sport" bildirib ki, Braziliya millisinin müdafiəçisi Qabriel Maqalyayeş sağ dizindəki zədə səbəbindən Fransa və Xorvatiyaya qarşı keçiriləcək yoldaşlıq oyunlarını buraxacaq. Tibbi müayinələr onun zədəsini təsdiqləyib.
Komandanın digər üzvləri – Uilyam Saliba, Ebereçi Eze və Leandro Trossar da müxtəlif zədələr səbəbindən milli komandalarından kənarda qalıb. Eyni zamanda, Martin Ödeqor və Yurrien Timber də oyunlarda iştirak etməyəcək.
Bununla yanaşı, Ben Uayt İngiltərə millisinin heyətinə əlavə edilib.
Hazırda “Arsenal” Premyer Liqada çempionluq uğrunda mübarizə aparır və ən yaxın rəqibi “Mançester Siti”ni qabaqlayır. Komanda yaxın günlərdə İngiltərə Kuboku və Çempionlar Liqasında vacib oyunlara çıxacaq.
Əsas oyunçuların zədələnməsi komandanın nəticələrinə təsir edə bilər, lakin heyətin genişliyi bu itkiləri qismən kompensasiya edə bilər.
Fatimə Salmanlı
