Almaniya mətbuatının yaydığı məlumata görə, Mario Götze karyerasını "Eintracht Frankfurt" klubunda davam etdirməyə qərar verib. Mövsümün sonunda müqaviləsi başa çatacaq təcrübəli yarımmüdafiəçi ilə 2027-ci ilə qədər qüvvədə olacaq yeni razılaşma əldə olunub.
Mario Götze "Eintracht Frankfurt" forması ilə meydanda oyunun gedişatını diqqətlə izləyir
24media.az Sporx.com-a istinadən xəbər verir ki, müqavilənin yaxın günlərdə rəsmi şəkildə imzalanacağı və klub tərəfindən ictimaiyyətə təqdim ediləcəyi gözlənilir.
Rəhbərlik Götzenin komandanın oyun sistemindəki rolundan razıdır və onun təcrübəsinin heyət üçün vacib olduğunu düşünür. 33 yaşlı futbolçunun bu qərarında klub daxilindəki mühit, azarkeş dəstəyi və məşqçi heyəti ilə qurduğu münasibət əsas rol oynayıb. Götze “Ayntraxt”-ın oyun quruculuğunda önəmli fiqur olaraq qalmaqla yanaşı, komandanın gələcək planlarında da əsas simalardan biri hesab olunur.
Ömər Cəfərov
