İngiltərə qadın futbol millisinin baş məşqçisi Sarina Viqman bildirib ki, komandasının İslandiyaya qarşı keçirəcəyi 2027-ci il Qadınlar Dünya Çempionatının seçmə mərhələ oyununda səbirli olması çox vacibdir.
Sarina Viqman mətbuat konfransı zamanı jurnalistlərin suallarını cavablandırarkən.
24media.az BBC Sport-a istinadən bildirir ki, məlumatına görə, İngiltərə millisi şənbə günü İslandiya ilə qarşılaşacaq. Komanda bundan əvvəl seçmə mərhələdə Ukrayna üzərində 6:1 hesablı qələbə qazanaraq növbəti oyuna favorit kimi çıxır.
Həmin qarşılaşmada bütün yeddi qol oyunun ikinci hissəsində vurulub. İngiltərə millisi Antalyada keçirilən oyunda ilk qolu yalnız 47-ci dəqiqədə vura bilib. Bu səbəbdən məşqçi komandasının tələsmədən və planlı şəkildə oynamasının vacib olduğunu bildirib.
Şənbə günü keçiriləcək görüş "City Ground" stadionunda baş tutacaq və tribunaların tam dolacağı gözlənilir. Viqman mətbuat konfransında komandasının əvvəlki oyunda olduğu kimi plana sadiq qalmasının önəmli olduğunu vurğulayıb.
Baş məşqçi bildirib ki, komanda ilk hissədə qol vurmaq istəsə də, bəzi imkanlardan yararlana bilməyib. Buna baxmayaraq, futbolçular oyunun planına sadiq qalıb və birlikdə hərəkət edərək nəticə əldə etməyi bacarıblar.
Viqman qeyd edib ki, komandanın sakit qalması və öz vəzifələrini yerinə yetirməsi uğurun əsas səbəblərindən biridir. Onun sözlərinə görə, top itirilən anlarda futbolçuların onu tez geri qazanması da komandanın mental gücünü göstərir.
Baş məşqçi əlavə edib ki, təcrübəli futbolçuların olması çətin anlarda oyunu düzgün idarə etməyə kömək edir və bu amil komandanın balansını qorumaqda mühüm rol oynayır.
Futbolda bəzən nəticə dərhal əldə olunmasa da, səbirli və planlı oyun sonda uğur gətirə bilər. Bu baxımdan məşqçinin vurğuladığı taktiki səbir amili böyük turnirlərin seçmə mərhələsində xüsusilə əhəmiyyətli görünür.
Fatimə Salmanlı
