Azərbaycan Respublikasının Prezidenti İlham Əliyev Təhlükəsizlik Şurasının iclasında İranın Naxçıvana pilotsuz təyyarəsinin hücumunu respublikaya qarşı terror aktı kimi qiymətləndirib. Dövlət başçısının sözlərinə görə, yaşayış məntəqəsinə düşən təyyarə mülki obyektləri hədəfə alıb.
Azərbaycan Respublikasının Prezidenti İlham Əliyev
24media.az News.ru saytına istinadən xəbər verir ki, Azərbaycan dövləti bu dəhşətli terror aktını qətiyyətlə pisləyib.
İlham Əliyev Tehranı İranın pilotsuz təyyarəsinin hücumuna görə izahat verməyə və Bakıdan üzr istəməyə çağırıb, terror aktını törədənlərin məsuliyyətə cəlb olunmalı olduğunu bildirib. O, həmçinin əlavə edib ki, Naxçıvana hücumdan sonra Azərbaycan silahlı qüvvələrinə cavab tədbirləri hazırlamaq və həyata keçirmək tapşırılıb.
Bu gün, 5 mart tarixində Naxçıvan Hava Limanı ərazisində İrana məxsus pilotsuz təyyarə partlayıb. Aeroport binasının damı zədələnib. Başqa bir pilotsuz təyyarə isə eyni şəhərdəki məktəbin həyətinə düşüb. Azərbaycan Baş Prokurorluğu hücumla bağlı cinayət işi açıb. İdarədən hadisə nəticəsində dörd nəfərin yaralandığını bildirilib.
Əli Balayev
