İran Prezidenti Məsud Pezeşkian ölkənin Ali Lideri Əli Xameneinin ölümünə görə sərt qisas alınacağını bəyan edib. İran mediasının yaydığı məlumata görə, dövlət başçısı bu hadisəni bağışlanmaz cinayət adlandıraraq, təşkilatçıların cəzalandırılmasının həm milli borc, həm də qanuni haqq olduğunu vurğulayıb.
24 media.az APA-ya istinadla bildirir ki, bu barədə İran mediası məlumat yayıb. Pezeşkianın açıqlamasında qisasın qaçılmaz olduğu və İranın öz suverenliyini qorumaq üçün bütün imkanlardan istifadə edəcəyi qeyd olunub. Ali Liderin ölümü regionda onsuz da gərgin olan vəziyyəti ən kritik həddə çatdırıb. Hazırda beynəlxalq analitiklər İranın hərbi və siyasi rəhbərliyinin atacağı növbəti addımları yaxından izləyir.
Xatırladaq ki, İran qanunvericiliyinə görə, Ali Liderin vəfatından sonra yeni rəhbərin seçilməsi prosesi Ekspertlər Şurası tərəfindən həyata keçirilməlidir. Ölkədə qeyri-müəyyənlik və gərginlik fonunda təhlükəsizlik tədbirləri maksimum səviyyəyə qaldırılıb.
Arzu Qafarova
