Ukrayna Prezidenti Volodimir Zelenski bildirib ki, Ukrayna ilə Rusiya arasında aparılan sülh danışıqlarında əsas və həlledici məsələlər üzrə hələlik razılaşma əldə olunmayıb. Onun sözlərinə görə, Rusiya tərəfi danışıqlar prosesini bilərəkdən uzadır və real irəliləyiş nümayiş etdirmir.
Zelenski qeyd edib ki, beynəlxalq vasitəçilərin, o cümlədən ABŞ və Avropa ölkələrinin iştirakı ilə aparılan müzakirələr davam etsə də, atəşkəs, ərazi bütövlüyü və təhlükəsizlik zəmanətləri kimi əsas mövzular üzrə tərəflərin mövqeləri uzlaşmır. Kiyev rəsmiləri bəyan ediblər ki, Ukrayna ədalətli və davamlı sülhə hazırdır, lakin bu proses ölkənin suverenliyinə və beynəlxalq hüquq normalarına əsaslanmalıdır.
Danışıqlar fonunda regionda hərbi gərginlik davam edir və diplomatik səylər beynəlxalq ictimaiyyətin diqqət mərkəzində qalır.
Mənbə: The Guardian
Tərcümə etdi: Zəhra Məlikova
