24media.az "Report"–a istinadən xəbər verir ki, Azərbaycan ilə Amerika Birləşmiş Ştatları arasında Strateji Tərəfdaşlıq Xartiyası imzalanıb. Sənəd iki ölkə arasında münasibətlərin daha da möhkəmləndirilməsinə və əməkdaşlığın yeni mərhələyə keçməsinə xidmət edir.
İmzalanan xartiya siyasi dialoqun gücləndirilməsi, iqtisadi əlaqələrin genişləndirilməsi, enerji təhlükəsizliyi, regional sabitlik, nəqliyyat və logistika sahələrində tərəfdaşlığın inkişaf etdirilməsini nəzərdə tutur. Sənəddə həmçinin təhlükəsizlik, müdafiə, terrorizmə qarşı mübarizə, rəqəmsal inkişaf və humanitar sahələrdə əməkdaşlığın artırılması da əsas istiqamətlərdən biri kimi göstərilir.
Rəsmi şəxslər bildiriblər ki, bu sənəd Azərbaycan və ABŞ arasında uzunmüddətli və qarşılıqlı faydalı münasibətlərin möhkəmləndirilməsi baxımından mühüm əhəmiyyət daşıyır. Xartiya tərəflər arasında etimada əsaslanan əməkdaşlıq mexanizminin formalaşmasına və birgə layihələrin həyata keçirilməsinə imkan yaradacaq.
Qeyd olunub ki, Strateji Tərəfdaşlıq Xartiyası regionda sabitliyin və təhlükəsizliyin təmin olunmasına, həmçinin iqtisadi inkişafın sürətləndirilməsinə töhfə verəcək. Tərəflər gələcəkdə bu sənəd çərçivəsində birgə fəaliyyətlərin daha da genişləndirilməsində maraqlı olduqlarını vurğulayıblar.
Səidə Abasova
