ABŞ Prezidenti Donald Tramp ABŞ və Kanadanı birləşdirəcək yeni körpünün açılışını bloklamaqla hədələyib. Bu addım, iki ölkə arasında artan gərginlik fonunda atılıb və ABŞ-in öz maraqlarını qorumaq niyyətini nümayiş etdirir.
24media.az AZƏRTAC-a istinadən xəbər verir ki, Tramp sosial media hesabında yazıb ki, ABŞ-ə ədalət və hörmət göstərilməyənədək körpünün açılışına icazə verməyəcək. Dövlət başçısı konkret körpünü göstərməsə də, söhbətin ehtimal ki, Kanadanın Ontario əyalətindəki Vindzor şəhərini ABŞ-ın Miçiqan ştatındakı Detroyt şəhəri ilə birləşdirən altızolaqlı körpüdən getdiyi bildirilir.
Qeyd olunur ki, tikintisi 2018-ci ildə başlanan körpünün bu ilin əvvəllərində istifadəyə verilməsi planlaşdırılır. “ABC News”un məlumatına görə, layihənin dəyəri təxminən 4,7 milyard dollar olub və Kanada hökuməti tərəfindən maliyyələşdirilib.
Arzu Qafarova
