Andrey Sibiqa: Zelenski və Putin mürəkkəb məsələləri razılaşdırmaq üçün şəxsən görüşməlidirlər

24media.az Report-a istinadən xəbər verir ki, Ukraynanın xarici işlər naziri Andrey Sibiqa Prezident Volodimir Zelenskinin Rusiya Prezidenti Vladimir Putinlə sülh danışıqları çərçivəsində ən həssas məsələləri şəxsən müzakirə etmək üçün görüşməyə hazır olduğunu bildirib.

Sibiqa qeyd edib ki, hələ razılaşdırılmamış mürəkkəb məsələlər arasında Ukrayna ərazilərinin taleyi və Zaporojye Atom Elektrik Stansiyasının statusu var. Bu səbəbdən, onun sözlərinə görə, bu məsələlərin həlli üçün Zelenskinin Putinin özü ilə bilavasitə görüşməsi vacibdir. 

Nazir əlavə edib ki, sülh planı üzrə danışıqlar çox mürəkkəbdir və Ukrayna hazırda ABŞ və digər tərəfdaşlarla birgə növbəti mərhələyə hazırlıq aparır.