“Fənərbaxça” klubu fransalı ulduz N'Qolo Kantenin transferinin baş tutmamasında Səudiyyə Ərəbistanının “Əl-İttihad” klubunu günahlandırıb. İstanbul təmsilçisi keçidin rəqib tərəfin texniki səhvləri ucbatından pozulduğunu açıqlayıb.
Klubdan bildirilib ki, Yussef En-Nesiri ilə Kantenin yer aldığı qarşılıqlı transfer müqaviləsində futbolçularla tam razılıq əldə olunub. “Fənərbaxça” bütün öhdəliklərini yerinə yetirsə də, “Əl-İttihad”ın Transfer Uyğunluq Sisteminə (TMS) məlumatları yanlış daxil etməsi prosesin vaxtında tamamlanmasına mane olub.
Türkiyə klubu məsələni həll etmək üçün FİFA ilə danışıqlar aparsa da, qarşı tərəfin qeyri-müəyyən mövqeyi səbəbindən transfer rəsmiləşməyib. Xatırladaq ki, 34 yaşlı Kante 2023-cü ildən Səudiyyə klubunda çıxış edir və dünya futbolunun ən titullu yarımmüdafiəçilərindən biridir.
Mənbə: BBC Sport
Tərcümə etdi: Fatimə Salmanlı
