Rusiya PUA-ları Ukrayna sahillərində ticarət gəmilərini vurub bir nəfər ölüb

24media.az "Report"-a istinadən xəbər verir ki, Rusiyanın pilotsuz uçuş aparatları (PUA) Odessa limanı yaxınlığında iki ticarət gəmisinə hücum edib, nəticədə bir nəfər həyatını itirib.

Ukrayna Baş nazirinin müavini Aleksey Kulebanın verdiyi məlumata görə, Komor adalarının bayrağı altında soya yükü daşıyan gəmiyə endirilən zərbə nəticəsində Suriya vətəndaşı olan ekipaj üzvü ölüb. Hadisə yerinə xilasetmə bölmələri cəlb olunub.

Eyni zamanda, Rusiyaya məxsus hücum dronu taxıl yükü ilə Çernomorsk limanına doğru hərəkət edən Sent-Kits və Nevis bayrağı altındakı digər ticarət gəmisinə də zərbə endirib. Bildirilir ki, hazırda həmin gəmi ən yaxın limana istiqamət alıb.

Səidə Abasova