ABŞ prezidenti Donald Tramp şəxsi telefon danışığı zamanı Kolumbiyaya qarşı hərbi əməliyyat planlarını açıqlayıb. Bu barədə ölkə lideri Qustavo Petro İspaniyanın "Pais" qəzetinə verdiyi müsahibədə bildirib. O, Venesueladakı son hadisələrdən sonra prezident Nikolas Maduro ilə baş verən oxşar ssenarinin ona qarşı da baş verə biləcəyindən ciddi şəkildə narahat olduğunu bildirib.
Tramp telefon danışığı zamanı mənə Kolumbiya ilə bağlı "pis şeylər" barədə düşündüyünü deyib. Lider bildirib ki, bunda məqsəd konkret bir şeyin artıq hazırlandığı, hərbi əməliyyat üçün planlaşdırmanın aparıldığı idi.
Petro suveren dövlətlərin daxili işlərinə zorla müdaxilə praktikasından narahatlığını bildirib. O, Amerika qanunvericiliyi ilə beynəlxalq hüquq arasındakı ziddiyyətə diqqət çəkib. Siyasətçi əlavə edib ki, ABŞ qanunvericiliyi cinayətkarlıqla mübarizə bəhanəsi ilə xaricdə əməliyyatlara icazə verib, beynəlxalq hüquq isə bu cür hərəkətlərə icazə verməyib.
Venesueladakı vəziyyətdən danışan Kolumbiya prezidenti qeyd edib ki, istənilən siyasi dəyişiklik venezuelalıların özləri tərəfindən danışıqlar yolu ilə həll olunmalıdır və kənardan təsir tətbiq edilə bilməz. O əlavə edib ki, xarici təzyiq və güc tətbiqi yalnız regionun daha da qeyri-sabitləşməsi riskini artırıb.
Tramp əvvəllər sosial mediada Kolumbiya prezidenti ilə telefonla danışdığını təsdiqləyib. Ağ Ev rəhbəri bildirib ki, onlar narkotik qaçaqmalçılığı ilə mübarizədə əməkdaşlıq, eləcə də ikitərəfli münasibətlərdəki digər mübahisəli məsələləri müzakirə ediblər. Söhbətin nəticəsi olaraq, tərəflər çox yaxın gələcəkdə Vaşinqtonda keçirilməsi planlaşdırılan şəxsən görüşə hazırlıq barədə razılığa gəliblər.
Mənbə: News.ru
Tərcümə etdi:Əli Balayev
