İranın Sistan və Bəlucistan vilayətində Pakistanla sərhəd ərazisində baş verən yol qəzasında iki iranlı sərhəd xidməti əməkdaşı həyatını itirib.
24Media.az APA-ya istinadən xəbər verir ki, sərhəd mühafizəsi əməkdaşları əlverişsiz hava şəraiti və duman səbəbindən nəqliyyat vasitələrinin toqquşması nəticəsində ölüblər. Həlak olan sərhədçilərin hər ikisi baş çavuş rütbəsində olub.
Qəzada iştirak edən nəqliyyat vasitəsinin sərhəd zona xüsusiyyətləri və azalmış görüş məsafəsi səbəbindən idarə olunmasında çətinlik yaranıb. Rəsmi qurumlar sərhəd bölgəsində nəqliyyat təhlükəsizliyinin gücləndirilməsini və hava şəraitinə uyğun tədbirlərin artırılmasını tövsiyə edirlər.
Amina Paşazadə
