Cənubi Koreyanın paytaxtı Seulda metro stansiyasında tikinti sahəsində baş vermiş qəza nəticəsində azı 7 nəfər dağıntılar altında qalıb.
24media.az AZƏRTAC-a istinadən xəbər verir ki, hadisə paytaxtın məşhur Yeouido stansiyasında, 5-ci və 9-cu metro xətlərinin üzərində baş verib. İlk məlumatlara görə, stansiya ərazisində aparılan tikinti işləri zamanı struktur zəifliyi nəticəsində yeraltı konstruksiyada çöküş baş verib.
Hadisə yerinə dərhal xilasedici və təcili yardım briqadaları cəlb olunub, onlar dağıntılar altında qalan şəxsləri xilas etməyə çalışırlar. Rəsmi qurumlar vəziyyətin hələ də ciddi olduğunu və əməliyyatların davam etdiyini bildiriblər.
Hadisənin səbəbləri hələlik dəqiqləşdirilməyib və yerli hakimiyyət strukturları hadisənin tam təhlili üçün araşdırma aparır.
Arzu Qafarova
