Dünya enerji bazarlarında Azərbaycan nefti üzrə müsbət qiymət dinamikası müşahidə olunub. “Azeri Light” (CIF) markalı xam neftin qiyməti son ticarət sessiyasında yüksəlib.
24media.az xəbər verir ki, “Azeri Light” markalı Azərbaycan neftinin bir barelinin qiyməti 0,95 ABŞ dolları və ya 1,52% artaraq 63,4 ABŞ dolları səviyyəsində qərarlaşıb. Bununla da əvvəlki ticarət günündə 62,45 dollar olan qiymət artım nümayiş etdirib.
Qeyd edək ki, “Azeri Light” yüngül və azkükürdlü neft növləri sırasında yer alır və keyfiyyət göstəricilərinə görə dünya bazarlarında yüksək tələbatla satılır. Mütəxəssislərin fikrincə, qiymətdəki mövcud artım qlobal enerji bazarlarında canlanma və regional tədarük gözləntiləri fonunda formalaşıb.
Xatırladaq ki, 2025-ci il üçün Azərbaycanın dövlət büdcəsində “Azeri Light” markalı neftin bir barelinin orta illik qiyməti 70 ABŞ dolları səviyyəsində nəzərdə tutulub. Cari qiymət göstəriciləri isə bazarda nisbi sabitliyin qorunduğunu göstərir.
Sona Osmanova
