Türkiyə prezidenti Rəcəb Tayyib Ərdoğan Türkmənistanın paytaxtı Aşqabadda rusiyalı həmkarı Vladimir Putinlə söhbəti zamanı Ankaranın Ukraynadakı münaqişənin həlli üzrə istənilən formatda danışıqları qəbul etməyə hazır olduğunu təsdiqləyib. Bundan başqa, siyasətçi enerji obyektlərinə və limanlara hücumlardan imtina etməklə qismən atəşkəs təklifini dəstəkləyib.
O bildirib ki, hər iki tərəf üçün praktiki əhəmiyyət kəsb edən sahələrdə irəliləyiş əldə oluna bilər. O, həmçinin bildirib ki, enerji obyektlərinə və limanlara zərbələri məhdudlaşdıran məhdud atəşkəs faydalı ola bilər.
Daha əvvəl Rusiya liderinin mətbuat katibi Dmitri Peskov bildirib ki, Putin və Ərdoğan Aşqabadda Ukraynadakı münaqişə ilə bağlı ətraflı fikir mübadiləsi aparıblar. Onun sözlərinə görə, dövlət başçıları regional və beynəlxalq məsələləri də müzakirə ediblər.
Daha əvvəl Rusiya liderinin mətbuat katibi Dmitri Peskov bildirib ki, Putin və Ərdoğan Aşqabadda Ukraynadakı münaqişə ilə bağlı ətraflı fikir mübadiləsi aparıblar. Onun sözlərinə görə, dövlət başçıları regional və beynəlxalq məsələləri də müzakirə ediblər.
Mənbə: News.ru
Tərcümə etdi: Əli Balayev
