Hong Kong 2025-ci ilin yanvar–noyabr ayları üçün turizm statistikalarını açıqlayıb. Rəqəmlərə görə, şəhərə beynəlxalq səfərlər ötən ilin eyni dövrü ilə müqayisədə təxminən 12 faiz artıb. Mütəxəssislər bu yüksəlişi regionda keçirilən böyük tədbirlər, festivallar və yeni attraksionların açılması ilə əlaqələndirirlər.
Turizm İdarəsinin məlumatına əsasən, xüsusilə Cənub-Şərqi Asiya və Avropa ölkələrindən gələn turistlərin sayında nəzərə çarpan artım qeydə alınıb. Şəhərdə keçirilən beynəlxalq sərgilər, idman yarışları və mədəniyyət festivalları turist axınına əhəmiyyətli təsir göstərib.
Rəsmi qurumlar bildirir ki, artım tempi ilin sonunda daha da yüksələ bilər. Hong Kong hökuməti turizm sektorunu gücləndirmək məqsədilə 2026-cı il üçün yeni təşviq proqramları hazırlayır.
Mənbə: Travelandtourworld.com
Tərcümə etdi: Aylin Bayraməliyeva
