“Barselona” klubu bu həftə 17 yaşlı hücumçu Lamin Yamal ilə 2029-cu ilə qədər yeni müqavilə imzaladığını rəsmi olaraq açıqlayıb. Gənc futbolçunun müqaviləsində 1 milyard avroluq təzminat maddəsi yer alıb ki, bu da klub tarixində rekord göstərici sayılır.
Müqavilənin imzalanma mərasimində klub prezidenti Xoan Laporta, idman direktoru Deko və baş məşqçi Hansi Flik iştirak ediblər. Laporta bildirib ki, Lamin Yamal “Barselona”nın gələcəyinin əsas dayaqlarından biridir: “Yamal bizim La Masiya akademiyasının qürurudur. O, yalnız bu günün deyil, gələcək onilliyin də liderlərindən biri olacaq".
Bu mövsüm La Liqada 16 matçda meydana çıxan Yamal 4 qol və 6 uğurlu ötürmə ilə diqqət çəkib. Gənc futbolçunun çıxışı həm azarkeşlər, həm də futbol mütəxəssisləri tərəfindən yüksək qiymətləndirilib.
Baş məşqçi Flik də Yamalın potensialını vurğulayaraq bildirib: “Onun oyun düşüncəsi və topa münasibəti yaşıdlarından çox irəlidədir. Biz onu tədricən inkişaf etdirmək istəyirik".
Ekspertlərin fikrincə, bu müqavilə “Barselona”nın gənclər siyasətinin davamlılığını təsdiqləyir və klubun həm maliyyə, həm də futbol baxımından sabit inkişafına töhfə verəcək.
Mənbə: Mundo Deportivo, ESPN, Reuters
Tərcümə etdi: Fatimə Salmanlı
