Argentina millisinin kapitanı Lionel Messi 2026-cı il Dünya Çempionatından sonra futbolçu karyerasını bitirməyi planlaşdırır. 37 yaşlı ulduz bu barədə ESPN-ə verdiyi müsahibədə danışıb.
Messi bildirib ki, ABŞ, Kanada və Meksikada keçiriləcək mundial onun son beynəlxalq turniri ola bilər: “Futbolu çox sevirəm, amma hər şeyin bir sonu var. Bədənim nə qədər imkan versə, meydanda olacağam. Dünya Çempionatı mənim üçün son böyük sınaq ola bilər".
Futbolçunun bu açıqlaması həm Argentinada, həm də bütün futbol dünyasında böyük rezonans doğurub. Sosial şəbəkələrdə minlərlə azarkeş Messinin “vida mövsümü”nü izləməyə hazır olduqlarını yazıb.
Hazırda “İnter Mayami” klubunda çıxış edən Messi bu mövsüm MLS-də 21 oyuna 18 qol və 12 asistlə yadda qalıb. Klub rəhbərliyi müqaviləni bir il uzatmaq istəyir, lakin Messi qərarını Dünya Çempionatından sonra verəcəyini qeyd edib.
Mütəxəssislərin fikrincə, Argentina 2026-cı ildə uğurlu çıxış etsə, Messi tarixdə iki dəfə dünya çempionu olmuş azsaylı futbolçulardan biri kimi karyerasını zirvədə tamamlayacaq.
Mənbə: The Athletic, ESPN, TyC Sports
Tərcümə etdi: Fatimə Salmanlı
