Beynəlxalq kibertəhlükəsizlik mərkəzlərinin son hesabatına görə, 2030-cu ilə qədər bu sahədə ixtisaslı mütəxəssislərə tələbat iki dəfə artacaq. Süni intellektin, “ağıllı” sistemlərin və bulud texnologiyalarının sürətli inkişafı kibermüdafiəni qlobal prioritetə çevirib.
Mütəxəssislər bildirirlər ki, şirkətlər artıq ənənəvi təhlükəsizlik sistemləri ilə kifayətlənməməlidirlər. Onların fikrincə, real vaxtda təhdidlərin analizini aparan və hücumları proqnozlaşdıran süni intellekt əsaslı müdafiə sistemləri gələcəyin əsas trendlərindən olacaq.
Hazırda ABŞ, Almaniya və Yaponiya kimi ölkələr kibertəhlükəsizlik üzrə milli proqramlara milyardlarla dollar sərmayə yatırır. Azərbaycanda da bu istiqamətdə yeni startapların yaranması müşahidə olunur.
Ekspertlərin sözlərinə görə, yaxın illərdə kiberhücumların qarşısının alınması və məlumat təhlükəsizliyinin qorunması üzrə peşəkar kadrlara böyük ehtiyac yaranacaq.
Bu sahənin inkişafı təkcə texnologiya sektoruna deyil, həm də dövlət təhlükəsizliyi, maliyyə və səhiyyə kimi sahələrə mühüm təsir göstərəcək.
Mənbə: Bloomberg, Cybersecurity Ventures, TechCrunch
Tərcümə etdi: Fatimə Salmanlı
