ABŞ-nin Alabama ştatında baş verən silahlı atışma nəticəsində 2 nəfər həlak olub, 12 nəfər yaralanıb.
Rəsmilərin məlumatına görə, hadisə Alabama ştatının Montqomeri bölgəsində, gecə klublarının yerləşdiyi izdihamlı ərazidə qarşı-qarşıya gələn silahlı qruplar arasında baş verib.
Atışma nəticəsində 2 nəfərin həyatını itirdiyi, 3-ü ağır olmaqla 12 nəfərin yaralandığı bildirilib.
Rəsmilər hadisə ilə bağlı istintaqın başladığını, şübhəli ola biləcək şəxslərlə sorğular aparıldığını, lakin hələlik heç kimin saxlanılmadığını açıqlayıblar.
Mənbə: TRT HABER
Tərcümə etdi: Nuray Əliyeva
