Sentyabrın 16-da İsrail ordusu Qəzza şəhərinə quru əməliyyata start verib. Əməliyyat çərçivəsində şəhər eyni zamanda havadan, dənizdən və qurudan intensiv bombardmana məruz qalıb.
İsrail Müdafiə Qüvvələrinin məlumatına görə, hazırda Qəzza şəhərində təxminən 3 minə qədər HƏMAS silahlısının olduğu bildirilir. Əməliyyat nəticəsində şəhərdə geniş dağıntılar qeydə alınıb, çoxsaylı sakinlər isə cənuba doğru köç etməyə məcbur olub.
Rəsmi açıqlamalarda əməliyyatın əsas məqsədinin HƏMAS-ın hərbi mövqelərinin tamamilə zərərsizləşdirilməsi olduğu vurğulanıb.
Mənbə: Reuters
Tərcümə etdi: İlhamə Nurəhmədova
