Huawei Share texnologiyası foto və videoları paylaşmağı əvvəlkindən daha asan edir. Bu xüsusiyyət sayəsində sadə bir qoşulma üsulu ilə sənədlərinizi uzun müddət vaxt itirmədən göndərə bilərsiniz.
Foto, video və ya digər sənədlərin ötürülməsində Huawei telefonundan kompüterə şəkil göndərmə seçimini istifadə edərək məlumatlarınızı kabelsiz də ala bilərsiniz. Huawei Share, Xiaomi markalı cihazlarda dəstəklənmir. Xiaomi telefonlarında paylaşım etmək üçün isə Mi Share funksiyasından istifadə etmək lazımdır.
Huawei Share ilə fayl köçürmədə yeni həll
Sürətli məlumat ötürülməsi gündəlik həyatı asanlaşdıraraq köçürmə prosesi üçün sadə üsul təqdim edir. Böyük həcmli videoları və ya vacib sənədləri paylaşmaq istədikdə bu sistemi istifadə edərək vaxtınıza qənaət edə bilərsiniz. Huawei telefon köçürmə funksiyası ilə köhnə cihazınızdakı məlumatları asanlıqla yeni cihazınıza daşımaq mümkündür. Huawei Share, Samsung cihazlarında adətən dəstəklənmir, buna görə də birbaşa məlumat ötürülməsi həyata keçirilmir. Fərqli markalara aid cihazlara fayl göndərmək üçün isə digər məlumat ötürmə üsullarından istifadə etmək olar.
Huawei Share necə istifadə olunur?
Əvvəlcə cihazınızın tənzimləmələr bölməsindən bu funksiyanı aktiv edə bilərsiniz. Daha sonra paylaşmaq istədiyiniz faylı seçib, göndərmə menyusundan Huawei Share seçiminə toxunun. Qarşınıza çıxan uyğun cihazlar siyahısından hədəf cihazı seçərək Huawei-dən Huawei-yə köçürmə prosesinə başlaya bilərsiniz. Hədəf cihaz göndərişi qəbul etdikdən sonra proses başlayır və qısa müddətdə tamamlanır. Şəkillər, videolar və ya sənədlər bu üsulla göndərilə bilər. Huawei Share iPhone cihazlarında mövcud deyil. iPhone modelləri məlumat paylaşımını asanlaşdırmaq üçün AirDrop texnologiyasından istifadə edir.
Huawei Share nə işə yarayır?
Bu texnologiya bir çox üstünlüklər təqdim edir. Onun bəzi üstünlüklərini belə sıralamaq olar:
1. Huawei telefonundan kompüterə şəkil ötürmə funksiyası sayəsində fayllarınızı kabel istifadə etmədən əldə edə bilərsiniz;
2. Köçürmələr birbaşa cihazlar arasında həyata keçirilir və məlumatlar buluda yüklənmir. Şifrələnmiş bağlantı sayəsində fayllar təhlükəsiz şəkildə ötürülür;
3. Böyük ölçülü foto və videoları belə cəmi bir neçə saniyə ərzində göndərməyə imkan verir. İnternet sürətindən asılı olmadığı üçün faylların ötürülmə müddəti daha qısadır və gecikmə olmur;
4. Telefon, planşet və noutbuklar arasında problemsiz işləyir. Bütün Huawei ekosistemini bir-birinə bağlayan praktik bir körpü rolunu oynayır.
Bütün bu xüsusiyyətlər fayl paylaşımını asanlaşdırmağa kömək edir.
Mənbə: Hepsiburada.com
Tərcümə etdi: Aytac Musayeva
