Google süni intellektə əsaslanan chatbot Gemini üçün yeni təhsil funksiyasını elan edib. “Rəhbərli öyrənmə” adlanan bu funksiya tələbələrə sadəcə cavab almaq əvəzinə mövzuları mərhələli şəkildə öyrənməyə imkan verib, həqiqətən orijinal öyrənmə təcrübəsi təqdim edib.
Bu, sadəcə cavab deyil, öyrənmə prosesidir
İstifadəçi sual verəndə Gemini sadəcə qısa cavab vermək əvəzinə mövzunu parçalayır.
O, addım-addım izahatlar, təcrübə sualları, müzakirə mövzuları və viktorinalarla öyrənməni gücləndirir. Şəkillər, diaqramlar və videolar kimi multimodal məzmun dərslərin başa düşülməsini artırır.
Bu, istifadəçiləri passiv məlumat alıcılarından aktiv öyrənənlərə çevirib.
LearnLM texnologiyası ilə təchiz edilib
“Rəhbərli öyrənmə” təcrübəsi “Google”un xüsusi süni intellekt modeli LearnLM tərəfindən dəstəklənib. Təhsil ekspertlərinin və pedaqoji tədqiqatçıların rəyi əsasında hazırlanmış bu model xüsusi olaraq öyrənmə proseslərinə uyğunlaşdırılıb.
Google bu texnologiyanı birbaşa “Gemini”yə inteqrasiya edərək onu şəxsi öyrənmə köməkçisinə çevirib.
Tələbələr və müəllimlər üçün faydalar:
Tələbələr üçün: bu, onların istənilən sualı sərbəst verə biləcəyi təhlükəsiz mühit təmin edib. O, əzbərdən çox dərin öyrənməyə diqqət yetirib.
Müəllimlər üçün: tədris prosesində köməkçi tərəfdaş kimi xidmət edib. Bu, tələbələri tənqidi düşünməyə təşviq edib və hazırlanmış sessiyalar Google Classroom vasitəsilə paylaşıla bilib.
“Google”un təhsilə baxışı
Google özünün “Rəhbərli öyrənmə” funksiyasını “dünyadakı hər kəsə hər şeyi öyrənməyə kömək etmək” baxışında əsas addım kimi təsvir edib. Şirkət onu təhsildə daha əlçatan və faydalı etmək üçün davamlı rəy və əməkdaşlıq yolu ilə süni intellekti təkmilləşdirməyə davam edəcəyini bildirib.
Tərcümə etdi: Səidə Əsədli
Mənbə: Fikrimucit
