Texnologiyanın inkişafı ilə mobil fotoqrafiya vasitəsilə möcüzələr yaratmaq mümkün olub. Mobil fotoqrafiya, ağıllı telefonlarla həmin anı çəkmək sənəti kimi diqqət çəkir.
Peşəkar avadanlığa ehtiyac olmadan, cibinizdəki cihazla təsirli şəkillər çəkə bilərsiniz. İşıq oyunları ilə necə işləməyi öyrəndikcə, nəticələrdə nəzərəçarpacaq dərəcədə keyfiyyət artımını müşahidə edə bilərsiniz.
Mobil Fotoqrafiya ilə anı çəkməyin ən yaxşı yolu
Yeni nəsil xüsusiyyətləri ilə diqqət çəkən cib telefonları sayəsində düzgün texnikalarla təsirli şəkillər çəkə bilərsiniz. İşığın idarə olunması, kadrın planlaşdırılması və düzgün pozlama parametrləri isə çəkiliş keyfiyyətini müəyyən edən əsas amillərdən sayılır.
Telefonla peşəkar şəkil çəkərkən sabit duruş titrəməni azaldır; əgər kifayət etmirsə, mini tripoddan istifadə edin. Perspektivlərlə eksperiment edərək adi səhnəni maraqlı edə, arxa planı düzgün seçərək mövzunu ön plana çıxara bilərsiniz. Minimalist fonlar və kontrast rənglər vizual təsiri gücləndirir. Nizamlı kadrdan istifadə də foto keyfiyyətini artırır.
Mənzərə çəkilişində geniş bucaq rejimindən istifadə etməyiniz sahənin dərinliyini artıra bilər. Fotoşəkil çəkmək üçün tövsiyələr arasında təbii işığı düzgün yönləndirmək və kölgə oyunlarından istifadə etmək də var. Cib telefonu ilə şəkil çəkmə texnikalarından biri olan RAW formatında çəkiliş isə redaktə mərhələsində əlavə çeviklik təmin edir.
Fotoşəkil keyfiyyətini artıran tövsiyələr
Çəkilişin keyfiyyəti həm cihazın texniki imkanlarına, həm də düzgün texnikalara bağlıdır. İşığın istiqaməti və gücünü idarə etmək kadrların aydınlığı və rəng balansına birbaşa təsir edir. Şəkil keyfiyyətini artırmaq üçün nəzərə alınmalı əsas məqamlar bunlardır:
1. Cihaz seçimi vizual uğurun əsas amillərindən biridir. Yaxşı kameralı telefonlar, geniş dinamik diapazon və inkişaf etmiş sensor texnologiyası sayəsində detalların daha yaxşı əks olunmasını təmin edir;
2. Aydın kompozisiya yaratmaq üçün sadələşdirilmiş, lazımsız detallar olmayan fonlardan istifadə etmək keyfiyyəti artıra bilər;
3. Zəif işıq şəraitində əl ilə tənzimləmələrdən istifadə edə bilərsiniz;
4. Yaxşı kameralı telefonlar gecə rejimi ilə zəif işıqlı mühitdə belə parlaq və aydın kadrlar təmin edir. Yaxın çəkilişlərdə isə sahənin dərinliyini düzgün tənzimləmək mövzunun ön plana çıxmasına kömək edir.
Mobil fotoqrafiyada ən çox istifadə olunan tətbiqlər hansılardır?
Snapseed, Lightroom, VSCO və Adobe Photoshop Express kimi redaktə tətbiqləri tez-tez seçilir.
Mənbə: Hepsiburada.com
Tərcümə etdi: Aytac Musayeva
