Kimyəvi baxımdan hər iki içkinin əsas tərkibi bənzərdir: qazlı su, yüksək fruktozlu qarğıdalı siropu (və ya saxaroza), karamel rəngləndiricisi (E150d), fosfor turşusu, təbii ətirlər və kofein. Ancaq detallara enildikdə, kiçik fərqlər böyük dad fərqi yaradır:
Asidlik
Coca-Cola fosfor turşusu baxımından daha zəngindir. Bu isə ona daha kəskin və “quru” dad profili qazandırır. Pepsi-də isə limon turşusunun (sitrik asidin) nisbətən çoxluğu səbəbindən limonabənzər alt ton yaranır. Yəni biri “diş minasının düşməni” (Coca-Cola), digəri “mədə turşusuna rəqib” (Pepsi) sayılır.
Şəkər miqdarı
Pepsi-də şəkərin miqdarı adətən bir qədər yüksək olur. Buna görə ilk qurtumda daha “şirin” təsir bağışlayır. Lakin bu şirinlik uzun müddətli içimdə ağızda yapışqan bir hiss yarada bilər.
Ətir profili
Coca-Cola-da darçın, muskat və vanil notları daha qabarıqdır. Pepsi isə daha çox sitrus (xüsusilə limon) ətirləri ilə seçilir. Bu fərq içkinin qazı çıxdıqda daha da aydın hiss olunur.
Qazlılıq dərəcəsi
Coca-Cola daha çox karbonlaşmaya malikdir; buna görə də boğazda daha güclü “yanma” hissi yaradır. Pepsi isə daha yumşaq içimlidir.
Kofein miqdarı
Dəyişkənlik göstərsə də, ümumiyyətlə Coca-Cola-da 100 ml-də təxminən 9,6 mq, Pepsi-də isə 10,6 mq kofein olur. Yəni Pepsi nisbətən daha “gecə içilən” içki hesab oluna bilər.
pH dəyəri
Coca-Cola-nın pH göstəricisi 2,5 civarındadır, Pepsi isə 2,7–2,8-dir. Yəni hər ikisi texniki olaraq təmizləmə işlərində də istifadə oluna bilər.
Coca-Cola: daha az şirin, daha asidik, daha kəskin.
Pepsi: daha şirin, daha yumşaq, daha meyvə dadlı.
Mənbə: Buzz feed
Tərcümə etdi: Mina Yadigarli
