Tədqiqatçılar deyiblər ki, insanlar daha çox toplu yaşadıqda özlərini daha xoşbəxt və öz həyatlarından daha məmnun hiss edirlər.
Yeni bir araşdırma göstərib ki, xoşbəxtliyin açarı daha sadə həyat sürmək ola bilər.
Otaqo Universitetinin alimləri tərəfindən aparılan araşdırmalar göstərib ki, davamlı həyat tərzi keçirənlər özlərini daha xoşbəxt və daha məmnun hiss edirlər.
Mindən çox Yeni Zelandiyalı arasında aparılan sorğu müəyyən edib ki, “könüllü sadəliyə” riayət etmək şəxsi qarşılıqlı əlaqə və sosial əlaqə üçün daha çox imkanlar təqdim etməklə rifahı artırır. Tədqiqatçılar icma bağları və kredit platformaları kimi təşəbbüslərin daha az materialist həyat sürənlər tərəfindən istifadə olunma ehtimalının daha çox olduğunu və iştirakçılara “yerinə yetirmə” və “məna” hissi verdiyini söylədi.
Tədqiqat həmçinin qadınların kişilərə nisbətən sadə həyat tərzini mənimsəmə ehtimalının daha çox olduğunu göstərdi, lakin tədqiqatın arxasında duran elm adamları bunun səbəbini anlamaq üçün daha çox işin lazım olduğunu qeyd etdilər.
İştirakçıların orta yaşı 45, ev təsərrüfatlarının orta illik gəliri isə 50.000 ABŞ dolları idi. Həmmüəllif dosent Leah Watkins bildirib ki, istehlak mədəniyyəti çox vaxt xoşbəxtliyi yüksək gəlirlər və bahalı və dəbdəbəli maddi mallar almaq imkanı ilə əlaqələndirsə də, onların araşdırmaları bunun əksini göstərib.
"Tədqiqatlar açıq şəkildə göstərir ki, həyata materialist yanaşmalara üstünlük verən münasibət və təcrübələr xoşbəxtlik və ya rifahın artmasına səbəb olmur" dedi.
Journal of Macromarketing akademik jurnalında dərc olunan məqalə, daha sadə həyatın iştirakçılar üçün daha çox sosial əlaqəyə və daha çox "məna" hissinə səbəb olduğunu vurğulayıb.
Həmmüəllif, professor Rob Aitken deyib: “Rifaha aparan birbaşa maddi sadəliyə bağlılıq deyil, münasibətlərdən, sosial əlaqələrdən, cəmiyyətdə iştirakdan və məqsədyönlü və mənalı həyat yaşamaq hissindən irəli gələn psixoloji və emosional ehtiyacların ödənilməsidir”.
Mənbə: İndytürk.com
Tərcümə etdi: Sona Osmanova
