Misirdə arxeoloqlar Qahirə yaxınlığında aparılan qazıntılar zamanı təxminən 2 min il əvvəl mumiyalanmış nadir quş nümunəsi aşkar ediblər. Alimlərin fikrincə, bu quş qədim misirlilər üçün müqəddəs hesab edilən və ibadət mərasimlərində istifadə olunan ibisa bənzəyir. Araşdırmalar göstərir ki, quş xüsusi qatran və kətan parçaları ilə sarınaraq uzun müddət qorunması üçün hazırlanıb.
Tədqiqatçılar bildirirlər ki, bu tapıntı qədim Misirin dini inancları və mumiyalama ənənələri haqqında yeni məlumatlar verir. Qazıntı işlərini aparan komanda quşun mumiyasını rentgen və digər müasir texnologiyalarla incələyərək onun növü, yaşı və mumiyalama üsulu barədə daha dəqiq nəticələr əldə etməyi planlaşdırır.
Mənbə: Today.com
Tərcümə etdi: Aysel Şıxməmmədova
