Razılaşma intensiv toqquşmaların on minlərlə insanı didərgin salmasından və on ildən çox davam edən amansız vətəndaş müharibəsindən hələ də sağalmaqda olan bölgədə daha da pisləşən humanitar böhrana töhfə verdikdən sonra əldə edilib.
ABŞ-nin Türkiyədəki səfiri və Suriya üzrə xüsusi elçi Tom Barak şənbə günü səhər tezdən Suriya və İsrailin atəşkəs barədə razılığa gəldiyini açıqlayıb. Bu, İsrail qüvvələrinin Suriyaya qarşı, o cümlədən paytaxt Dəməşqdə druz azlığını qorumaq üçün “hərbi müdaxilələr” adlandırdığı bir neçə hücumdan sonra baş verir. Bu, həmçinin Druz silahlı qrupları ilə bədəvi qəbilələri arasında yenidən toqquşmaların ardınca gəlir, Suriya prezidenti Əhməd əl-Şara indiyə qədər on minlərlə insanı didərgin salan döyüşləri yatırmaq üçün qoşunları geri göndərəcəyi barədə xəbərdarlıq edib. Barrack, əvvəllər Twitter olan X-də bir yazıda atəşkəs elan etdi və ABŞ-nin rəhbərlik etdiyi sülh təşəbbüsünün bölgədəki bir çox ölkə vasitəsilə dəstəkləndiyini qeyd edib.
Mənbə:Euronews
Tərcümə etdi:Ayşən Səlimova
