Velosiped sürmək təkcə idman üçün deyil, bir çox fərqli sahələrdə sizə fayda verən bir fəaliyyətdir. Velosiped sürmək sizə daha sağlam bir bədən verə, bədən müqavimətinizi artıra, arıqlamağınıza kömək edə bilər. Dünya pandemiya ilə mübarizə apararkən velosiped satışında partlayışların şahidi olduq.
1) Velosiped sürmək ürək üçün faydalıdır
Aerobik hərəkətlər ürək sağlamlığınız üçün yaxşıdır. Velosiped sürmək aerobik fəaliyyətlərdən biridir. Əzələlərdə oksigenin tükənməsi ürəyinizi daha çox oksigenli qan pompalamağa məcbur edir ki, bu da ürəyinizin daha sürətli işləməsini təmin edir. Bundan əlavə, qan damarlarınızı və ağciyərlərinizi aktiv şəkildə işlədən bu fəaliyyət ürək sağlamlığınıza da fayda verir.
2) Velosipedlər meydana çıxsın, depressiya və narahatlıq yox olsun
Velosiped sürmə orta intensivlikli məşqlərdən biridir. Bu səviyyənin bədəndəki stress, depressiya və narahatlıq əlamətlərini azaltdığı müşahidə edilmişdir. Bu vəziyyət bədəndəki stress hormonlarının, adrenalin və kortizol səviyyələrinin aşağı salınması nəticəsində yaşanır. Bundan əlavə, velosiped idmanının ictimailəşməsinin artması, qrup və klub şüurunun inkişaf etmiş bir idman növü olması da insanların psixi sağlamlıq baxımından müsbət təsirlərinin artması kimi müşahidə edilir.
3) Gəlin birlikdə dünyanı xilas edək
Bir avtomobilin boşluğuna 20 velosipedin sığacağını bilirdinizmi? Halbuki, velosiped istehsalı üçün istifadə olunan material və enerji avtomobildə istifadə olunan material və enerjinin 5%-ni təşkil edir. Təsəvvür edə bildiyiniz kimi, velosipedlərdə yanacaq və enerji tullantılarının əmələ gəlməsi sıfırdır. Bütün bunlarla yanaşı, müntəzəm velosipedçilər də havanın çirklənməsi ilə mübarizə aparan ekoloqlardır.
4) Ölümsüzlük olmasa da, daha uzun yaşamağın sirləri velosipedinizdə gizlənə bilər
Tədqiqatlar göstərir ki, velosiped sürmək həyatınıza sözün əsl mənasında "illər" əlavə edə bilər. Velosipedçilər və velosiped sürməyənləri müqayisə edərkən gündə 60 dəqiqəyə qədər orta intensivlikdə velosiped sürən insanların ölüm riskinin 20 faiz azaldığını göstərir.
5) Arıqlamaq istəyirsiniz? Velosiped sizin üçündür
Arıqlamaq istəyə bilərsiniz. Velosiped sürmək bir saat ərzində, təxminən 300 kalori yandırmağa imkan versə də, daha sürətli avtomobil sürmək kalorini artırır. Məsələn, 68 yaşlı bir şəxs sürətini 20-22 km/saat civarında saxlasa, 30 dəqiqəlik gəzintidə belə, demək olar ki, 300 kalori yandıra bilər.
6) Xərçəng riskini azaldır
Araşdırmalara görə, müntəzəm velosiped sürməyin ümumilikdə xərçəng riskini azalda biləcəyi proqnozlaşdırılıb. Yetkin kişilər üzərində aparılan tədqiqat həftədə 60 dəqiqə velosiped sürməyin xərçəng riskini 20 faiz azaltdığı məlum olub. Yenə eyni araşdırmaya uyğun olaraq həftədə 90-100 dəqiqə velosiped sürməyin xərçəng riskini 40-45% azaltdığı müşahidə edildi.
7) Vaxtınız dəyərlidir, onu tıxaca sərf etməyin
Velosiped sürmək həmişə avtomobillərdən, tramvaylardan, avtobuslardan və bütün oxşar nəqliyyat vasitələrindən, xüsusən də, şəhər nəqliyyatında 3-4 km məsafədə daha sürətli olur.
8) Təbiət sizi gözləyir, çox gözlətməyin
Təbiət gəzintilərini bir kənara qoyub təbiətə zərər vermədən, səs-küy olmadan velosipeddən başqa heç bir nəqliyyat vasitəsi ilə səyahət edə bilməzsiniz. Velosipedlə təbiəti kəşf etməyə çalışın.
9) Velosiped sürmək pulunuza da qənaətdir
Velosiped sürmək təsəvvür etdiyinizdən daha çox qənaət vasitəsidir. Velosiped sürmək üçün qazdan istifadə etmək və ya park haqqını ödəmək lazım deyil.
10) Həm idmanı, həm də əyləncəni birlikdə yaşayın
Velosipeddən hətta nəqliyyat vasitəsi kimi istifadə etməyə üstünlük verən şəxs gündəlik idman da edəcək. Üstəlik, bir məşq proqramı ilə işləyərkən velosiped sürməklə ən təsirli kardio hərəkətlərindən birini edir. Beləliklə, siz idman etməklə yanaşı, həyatınıza əyləncəli bir mədəniyyət də əlavə edə bilərsiniz.
Mənbə: ceotudent.com
Tərcümə etdi: Fidan Abdullayeva
